Actum monasterii Westphalorum, die vigesima quarta octobris anno Domini millesimo sexcentesimo quadragesimo octavo. ISAACUS VOLMAR, JOANNES LUDOVICUS : : COMES A NASSAU. DOCTOR. Et nos electorum, principum ac Statuum Imperii ad hunc actum specialiter ab ipso vigore conclusi die decima tertia mensis octobris anno millesimo sexcentesimo quadragesimo octavo monasterii facti, et ipso die subscriptionis sub sigillo cancellariæ Moguntinæ, domino legato Gallico extraditi, deputati, nimirum electoralis Moguntinus, dominus NICOLAUS GEORGIUS DE REIGESPERG, eques, cancellarius: electoralis Bavaricus dominus JOANNEs Adolphus Krebs, consiliarius intimus: electoralis Brandenburgicus, dominus JOANNES COMES IN SAIN ET WITGENSTEIN, dominus in Homburg et Vallendar, consiliarius intimus nomine domus Austriacæ, dominus GEORGIUS ULRICUS COMES A WOLKENSTEIN, consiliarius Cæsareo-aulicus : dominus CORNELIUS GOBELIUS, episcopi Bambergensis consiliarius : dominus SEBASTIANUS MEEL, episcopi Herbipolensis consiliarius intimus dominus JOANNES ERNESTUS, ducis Bavariæ consiliarius aulicus dominus WOLFFGANGUS CONRADUS A TUMBSHIRN, consiliarius aulicus Saxonico-Altenburgensis et Coburgensis : dominus AUGUSTUS CARPZOVIUS, Consiliarius Saxonico-Altenburgensis et Coburgensis dominus JOANNES FROMHOLD, domus Brandenburgica Culmbacensis et Onolzbacensis consiliarius intimus : dominus HENRICUS LANGENBECK, jurisconsultus, domus Brunsvico-Lunæburgicæ, lineæ Cellensis, consiliarius intimus ; dominus JACOBUS LAMPADIUS, jurisconsultus, lineæ Calenbergensis consiliarius intimus et pro-cancellarius nomine comitum scamni Wetteraviensis, dominus MATHEUS WESEMBECIUS, jurisconsultus et consiliarius : nomine utriusque scamni, dominus MARCUS OTTO, Argentoratensis; dominus JOANNES JACOBUS WOLF, Ratisbonensis; dominus DAVID GLOXINUS, Lubecensis, et dominus JODOCUS CHRISTOPHORUS KRESS A KRESSENSTAIN, Norimbergensis reipublicæ respective syndici, senatores, consiliarii et advocati, fatemur et attestamur, virtute præsentium literarum, quod præmissa cessio, renunciatio, translatio et resignatio cum bona dictorum electorum, principum et Statuum Imperii voluntate, præscitu et consilio facta, peracta et conclusa fuerit, in quam etiam ex nostra et illorum parte consentimus, eamque per omnia ratam habemus, et virtute mandatorum nostrorum firmam inviolatamque servatum iri promittimus; recipientes : insuper fore, ut ex abundanti in proximis quoque Imperii comitiis ratæ sint dictarum ditionum juriumque abalienationes, ac proinde, si in Cæsarea capitulatione pactio, vel in comitiis propositio deinceps fiat de occupatis distractisque Imperii bonis ac juribus recuperandis, ea non complectetur aut complecti intelligetur res supra expressas, utpote ex communi ordinum sententia pro publica tranquillitate, accedente etiam titulo oneroso (ut in tractatu videre est) in alterius dominium legitime translatas; promittentes insuper, nos, quam primum diploma Cæsareum in forma authentica domino legato Gallico extradetur, illud eadem hac clausula confirmaturos, quæ interea idem robur habebit, ac si dicto diplomati apposita esset. Actum monasterii Westphalorum, die vigesima quarta octobris, anno millesimo sexcentesimo quadragesimo octavo. Nomine domini electoris Moguntini, Nomine domini electoris Bavariæ, Joannes Adolphus Krebs. Nomine domini electoris Brandenburgici, Joannes comes in Sain et Witgenstein. Nomine domus Austriacæ, Georgius Udalricus comes in Wolkhenstein et Rodnegg. Cornelius Gobelius. Nomine domini episcopi Herbipolensis, ducis Franconiæ, Nomine domini ducis Bavaria, Joannes Ernestus, Ictus. Nomine domini ducis Saxoniæ, lineæ Aldenburgensis, Wolfgangus Cunradus a Thumshirn, consiliarius Aldenburgensis ac Coburgensis. Nomine domini ducis Saxoniæ, etc., lineæ Aldenburgensis, Nomine domini marchionis Brandeburgici Onolsbacensis, Nomine domini ducis Brunsvico-Luneburgensis Cellensis, Nomine domini ducis Brunsvico-Luneburgici Grupenhagensis, Jacobus Lampadius, Ictus, consiliarius intimus et pro-cancellarius. Nomine domini ducis Megapolitano-Sverinensis proprio, et, tutorio nomine, Domini ducis Megapolitano-Gustroviensis, Abraham Kayser, D. consiliarius intimus. Nomine domini electoris Brandeburg. tanquam ducis Pomera-niæ Stetini, Mathæus Wesenbecius, qui supra. Nomine domini electoris Brandeburgici, tanquam ducis Pomerania Wolgasti, Joannes Fromhold, consiliarius intimus. Nomine domini ducis Wirtembergici, Johann. Conrad Varnbüler, a consiliis regiminis secretioribus. Nomine domini Landgravii Hasso-Darmstadiensis, Nomine domini marchionis Badensis Durlacensis, Nomine domini marchionis Baden-Badensis, Nomine domini Saxo-Lawenburgici, David Gloxinus, D. Nomine domini ducis Würtembergici, tanquam comitis Mompelgardensis, Johann. Conrad Varnbüler. Nomine dominorum comitum et baronum scamni Wetteravici, Mathæus Wesembecius. Nomine dominorum comitum et baronum scamni Franconici, Johann. Conrad Varnbüler. Nomine reipublicæ Argentinensis, Marcus Otto, U. J. D., idemque nomine civitatis Spirensis, Weissenburgensis ad Rhenum et Landaviensis. Nomine reip. Norimbergensis, Jodocus Christophorus Kress a Kressenstain, ejusdem senator, ut et respectu civitatum Winsheimensis et Schweinfurtensis. Nomine reipub. Ratisbonensis, Joannes Jacobus Wolff a Todtenwart, consiliarius et syndicus. Nomine reipub. Lubecensis, David Gloxin, D. syndicus, idemque nomine civitatum Goslar et Nordhausen. ACTE DE CESSION DE LA VILLE DE BRISACH, DU LANDGRAVIAT D'ALSACE ET DE LA PRÉFECTURE DES DIX VILLES IMPÉRIALES D'ALSACE, DÉLIVRÉ A LA FRANCE PAR L'EMPEREUR ET LA MAISON D'AUTRICHE. Nos Ferdinandus, hujus nominis tertius, electus Romanorum imperator, etc. Et nos Ferdinandus Carolus, archidux Austrix, dux Burgundiæ, comes Tyrolis et Goritiæ, etc. Nos Sigismundus Franciscus, archidux Austriæ, dux Burgundiæ, episcopus Augustæ Vindelicorum, comes Tyrolis et Goritiæ, etc. Notum facimus omnibus et singulis præsentes litteras inspecturis, lecturis, vel legi audituris, aut quomodocunque infrascriptarum notitia ad ipsos pervenire poterit. Quum in congressu de tractanda pace universali monasterii Westphalorum instituto, post longos et laboriosos tractatus per destinatos ab utraque parte huic congressui legatos et plenipotentiarios hinc inde peractos, divina favente clementia pax et amicitia conclusa, atque in ea pacificatione juxta instrumentum desuper confectum inter cæteras conditiones hoc quoque specialiter conventum sit : Quod nos Ferdinandus imperator et nos Ferdinandus Carolus, et Sigismundus Franciscus, archiduces Austria, oppidum et fortalitium Brisacum, cum provinciis Suntgoviæ, superiori item ac inferiori Alsatia, eo modo, quo hactenus avitæ hæreditatis et proprietatis jure ad nos totamque nostram laudatissimam familiam Austriacam spectabant, in regem regnumque Galliarum transferre, cedere, ac juribus nobis desuper competentibus renunciare debeamus : Ideo nos a parte nostra et totius domus nostræ huic conditioni sic inter nos conventæ, plene et perfecte satisfacere volentes, ex certa nostra scientia et deliberata voluntate, virtute præsentium, transferimus, cedimus ac resignamus in dictum regem Francia, dominum Ludovicum XIV, ejusque omnes et singulos in regno Franciæ successores, omni meliore modo et absque omni limitatione, restrictione, et reservatione, omnia et singula jura, actiones, proprietates, dominia, possessiones, jurisdictiones, regalia, utilitates, accessiones, quæ hactenus nobis et familiæ nostræ Austriacæ competebant, et competere poterant, in oppidum Brisacum, landgraviatum superioris et inferioris Alsatiæ, Suntgoviam, præfecturamque provincialem decem civitatum imperialium in Alsatia sitarum, scilicet Hagenaw, Colmar, Schlestatt, Weissenburg, Landaw, Oherenheim, Rosheim, Munster in Valle Sancti Gregorii, Kaisersberg, Turinckheim, omnesque pagos, et alia quæcunque jura, quæ a dicta præfectura dependent, ita ut dictum. oppidum Brisacum cum villis Hochstatt, Niderrimbsing, Harten et Acharrn ad communitatem civitatis Brisacensis pertinentibus, cumque omni territorio et banno, quatenus se ab antiquo extendit, salvis ejusdem civitatis privilegiis et immunitatibus a domo Austriaca antehac obtentis et impetratis, itemque dictus landgraviatus utriusque Alsatiæ et Suntgoxia, tum etiam præfectura provincialis in dictas decem civitates et loca dependentia, item omnes vasalli, landsassii, subditi, homines, oppida, castra, villæ, arces, sylvæ, forestæ, auri, argenti aliorumque mineralium fodinæ, flumina, rivi, pascua, omniaque jura, regalia et appertinentia, cum omnimoda jurisdictione et superioritate supremoque domino a modo in perpetuum ad regem coronamque Galliæ pertineant, eique incorporata intelligantur, absque nostra totiusque nostræ familiæ Austriacæ, vel cujuscunque alterius contradictione, adeo ut neque nos, neque ullus alius familiæ nostræ princeps quicquam juris aut potestatis in his præmemoratis partibus cis et ultra Rhenum sitis ullo unquam tempore inposterum prætendere, vel usurpare possimus, aut debeamus. Nos enim a parte nostra et domus nostra totis omnibus et singulis juribus, actionibus, regaliis, proprietatibus et possessionibus, quæ in prædicta oppida, fortalitia, terras, provincias ac ditiones antehac nos et prædecessores nostri quomodocunque habuimus, plenissime et perfectissime, scientes et volentes, abhinc in perpetuum et irrevocabiliter renunciamus, atque omnes istorum locorum et provinciarum cives, |