FERIA V.

Considera Christi erga nos amorem: 1) se nascens dedit socium; 2) convescens in edulium; 3) se moriens in pretium; 4) se regnans dat in praemium.

PRECES ANTE MISSAM.

Ad pedes divinae Majestatis tuae prostratus, o clementissime Jesu, adoro et glorifico te, obstupescens ineffabilem misericordiam tuam, qua in hunc mundum venisti, peccatores salvos facere, quorum in numerum et me devenisse fateor et deploro. Attonitus demiror illam vere magnam dilectionis tuae vim, quae de coelo te fecit descendere in hanc lacrymarum vallem, ut nos miseros homines e sordidissimo peccati volutabro extraheres, extractosque de lacu miseriae et de luto faecis, ad mensam tuam reficeres proprio tuo corpore et sanguine.

Gloria tibi, Domine Jesu! gloria tibi, Agne Dei, qui tollis peccata mundi; qui miseros nos peccatores pascere dignaris eadem tua carne sacratissima, quam pro nobis assumsisti. Gloria aeterno Patri tuo, qui te misit in terras, humani generis Salvatorem: tua quippe gratia securitati nostrae consultum est. Adventum tuum laudamus, optime Domine! qui peccatoribus impertis misericordiam" 1.

Propter aeternam salutem nostram, o Fili Dei, hominem induisti; tandemque post multiplices aerumnas, post

1 S. Ephraem.

innumeros labores, vitam in cruce posuisti. Nos malefactores eramus, aeternis digni suppliciis: tu autem, Agnus innocens, Agnus sine macula, crudele subiisti mortis supplicium, ut nos peccatores salvos faceres. Insuper in amoris tui pignus, inscrutabile altaris mysterium instituisti, ut novo prorsus et admirabili modo semper nobiscum maneres in terris, unicus afflictorum consolator, quotidianus sacerdotum cibus.

Quis non amet te, Domine Jesu? te, qui nostri amore tanta fecisti ac etiamnum facis? Diligo te, benignissimum Redemtorem meum. En, sincero amore et desiderio accensus ibo nunc ad altare tuum, ut illic offeram ac comedam teipsum, Agnum mitissimum; Agnum, cujus carnes deliciae in ore fidelium; Agnum, cujus deliciae sunt esse cum filiis hominum. Vehementer cupio suscipere te in sacra eucharistia, quo intimius tecum uniar dulci caritatis vinculo. Praepara tibi, Domine Jesu, congruam in corde meo habitationem, ne indigne te ibi recipiam etc.

Ad Patrem Pater immensae majestatis! Dominator Domine exercituum! corde contrito profiteor coram te et Angelis tuis, me omnium esse indignissimum Ecclesiae tuae ministrum. Peccavi saepius, peccavi multum, et malum coram te feci. Justis adnumerari haud mereor. Locus tantum, nec ultimus, inter peccatores mihi debetur. Spem tamen salutis non abjicio; scio enim, firmiterque credo, Jesum Christum Filium tuum venisse in hunc mundum, peccatores salvos facere. Fiducialiter itaque me sisto tibi, misericordissime Pater! eundemque tibi dilectum offero Unigenitum tuum, ad honorem et gloriam sanctissimi nominis tui, in gratiarum actionem pro stupendo incarnationis illius beneficio, et pro ceteris omnibus donis ac bonis a te acceptis;

in commemorationem gravium molestiarum, quas Unigenitus tuus in mundo nascens et moriens pro nobis peccatoribus sustinuit: in satisfactionem omnium delictorum nostrorum: pro impetranda quoque gratia tua, mihi meisque omnibus necessaria: in unione denique illius intentionis, qua Verbum tuum incarnatum, semetipsum tibi pro peccatoribus obtulit in ara crucis.

--

Memento, Pater, Ecclesiae tuae, quam possedisti ab initio: memento praesulum atque pastorum orthodoxorum, ut greges sibi commissos in via salutis bene regant juxta beneplacitum tuum. Nobis quoque peccatoris, famulis tuis, de multitudine miserationum tuarum sperantibus, ut clementer indulgeas, suppliciter deprecamur. Dimitte nobis debita nostra propter eum qui dilexit nos et tradidit semetipsum pro nobis. Parce populo tuo per merita Verbi tui incarnati. mento N. N.

PRECES POST MISSAM.

Me

Fide ac fiducia stabili miser ego peccator adoro te Agnum Dei, te Jesum suavissimum, nunc vere commorantem in corde meo. Supplex veneror admirabilem misericordiam tuam qua venisti in hunc mundum, peccatores salvos facere. Ut et me vilissimum peccatorem salvares, non recusasti peccatoris habitu vestiri, multa pati, laboribus fatigari, in cruce mori. Tu Sacerdos innocens induisti habitum peccatoris, et me peccatorem decorasti habitu sacerdotis. Nec contentus admirando isthoc caritatis prodigio, teipsum mihi jam denuo dedisti in cibum et potum. Te Agnum mansuetum habeo in medio cordis mei; te totum possideo et amplector ulnis animae O mi Jesu! attonitus haereo, eoque minus

meae.

capio meipsum, quo diutius, quo attentius, tuam in me beneficentiam ac caritatem considero.

...

Et quid ego facio pro te? aut quid hactenus egi? Multum mali; parum boni, et vel hoc parum bene. Factus ego a te, creatus ad te, non manebam apud te, sed longius recedebam a te. Aberrantem a te nil nisi miseria, nil nisi poena aeterna manebat me. O infelicem me! non erat inter mortales, qui redimeret me; non erat, qui cognosceret me; non erat, qui requireret animam meam. Tu autem, Domine Jesu! non valens in ira tua justissima continere misericordias tuas, noluisti, me sempiternis subjacere poenis, sed manens, quod eras, Filius Dei, factus es, quod non eras, Filius hominis, ut me filium hominum, me primorum praevaricantium hominum et mea ipsius culpa aeterni victimam incendii, acerbissimae passionis ac mortis tuae meritis redimeres, ac in libertatem filiorum Dei restitueres.

Utinam te semper amassem, benignissime Redemtor! utinam legem tuam nunquam violassem! Totus quantus trepido, si praeteritos vitae meae annos recogito. Ah, miserere mei, bone Jesu! qui dissimulas peccata hominum propter poenitentiam. Reminiscere miserationum tuarum, Domine! et misericordiarum tuarum, quae a seculo sunt. Ab omnibus iniquitatibus meis ut eruas me, obtestor te per multiplices molestias, quas novem mensibus in utero Virginis pertulisti pro me. Delicta juventutis meae et ignorantias meas ne memineris.

Iniquitates meae quidem multiplicatae sunt super capillos capitis mei, ita ut nulla dignus sim venia. Nunquam tamen desperabo, Domine! sed, quam in te collocavi, spem usque ad supremum vitae halitum retinebo. Scio enim, tuam in tuos caritatem nunquam minui, et multitudinem miserationum tuarum nunquam exhauriri.

Caro tua sacratissima, quam ex Maria Virgine susceptam, mihi hodie manducandam dedisti; et sanguis tuus vivus, in corde meo circumfluens; promissiones quoque ac miserationes tuae multae ad fiduciam me peccatorem animant, et ad reciprocam me rapiunt caritatem.

Eccur non tenerrime diligam te, Bonum summum et infinito amore dignissimum? Ab aeterno amasti`me, Fili Dei! et amore mei temetipsum exinanivisti, factus homo, ut pro me peccatore pati, pro me mori posses. O Jesu suavissime! posside solus integrum cor meum ex hac hora et deinceps sine fine. Tibi totum cor meum offero, et in manus tuas lubens depono. Accipe, Domine, parvulum hoc munusculum; idque purifica penitus ab omni alio amore, qui non est in te vel propter te. Tu solus es Deus cordis mei, et pars mea, Deus, in aeternum.

Christe Domine! qui venisti in hunc mundum peccatores salvos facere; rogo te per indulgentissima misericordiae tuae viscera, emenda vitam meam, compone mores meos; tolle de me, quod mihi nocet, et tibi displicet. Da, quod novisti tibi placere, et mihi prodesse“ 1.

me.

ut

Trahe me ad te, Salvator mi, accende me, purifica Impleantur amore tuo omnia viscera mea, benedicat tibi anima mea, et veniat super me misericordia tua: ad hoc enim misit te Pater tuus in has terras, ut salvos faceres peccatores" 2. Miserere, Domine Jesu, illorum omnium, pro quibus me sacerdotem vigilare et orare oportet. Largire peccatoribas obstinatis gratiam verae conversionis, a lapsu resurgentibus spiritum seriae poenitentiae, justis omnibus donum finalis in bono perseverantiae. Amen.

1 S. Aug. 2 Petrus Damian.