HONORATISSIMO VIRO CAROLO MONTAGU, ARMIGERO, SCACCHARII CANCELLARIO, ÆRARII PRÆ SCACC FECTO, REGI A SECRETIORIBUS CONSILIIS, &c. CUM tanta auribus tuis obstrepat vatum nequissimorum turba, nihil est cur queraris aliquid inusitatum tibi contigisse, ubi præclarum hoc argumentum meis etiam numeris violatum conspexeris. Quantum virtute bellica præstant Britanni, recens ex rebus gestis testatur gloria; quam vero in humanioribus Pacis studiis non emineamus, indicio sunt quos nuper in lucem emisimus versiculi. Quod si CONGREVIUS ille tuus divino, quo solet, furore correptus materiam hanc non exornasset, vix tanti esset ipsa Pax, ut illa lætaremur tot perditissimis Poetis tam misere decantata. At, dum alios insector, mei ipsius oblitus fuisse videor, qui haud minores forsan ex Latinis tibi molestias allaturus sum, quam quas illi ex vernaculis suis carminibus attulerunt; nisi quod inter ipsos cruciatus lenimentum aliquod dolori tribuat tormenti varietas. Nec quidem unquam adduci possem, ut poema patrio sermone conscriptum oculis tuis subjicerem, qui ab istis conatibus cæteros omnes scribendo non minus deterres, quam favendo excitaveris. Humanitatis Tuæ Cultor devotissimus, JOSEPHUS ADDISON. POEMATA. PAX GULIELMI AUSPICIIS EUROPE POSTQUAM ingens clamorque virum, strepitusque tubarum, Atque omnis belli cecidit fragor; aspice, Cæsar, Munera deducunt: generosæ a pectore flammæ, Vere novo, insuetos mirabitur incola culmos, Bellorum invisens sedem, et confusa ruinis |